પ્રાથમિક માધ્યમિક શિક્ષણ શિષ્યવૃતિ PSE SSE પરીક્ષા પ્રોવિઝનલ આન્સર કી જાહેર

તા.૨૬/૦૪/૨૦૨૫ના રોજ લેવામાં આવેલ પ્રાથમિક-માધ્યમિક શિક્ષણ શિષ્યવૃત્તી પરીક્ષા (PSE-SSE) ૨૦૨૪-૨૫માં ઉપસ્થિત રહેલા ઉમેદવારોને જણાવવાનું કે, આ પરીક્ષાની A કેટેગરીના પ્રશ્નપત્રની પ્રોવિઝનલ આન્સર કી તા.૨૮/૦૪/૨૦૨૫ના રોજ પ્રસિદ્ધ કરવામાં આવે છે. આ પરીક્ષાના પ્રશ્નપત્રના કોઇ પ્રશ્નના ઉત્તર બાબતે આપ રજૂઆત કરવા માંગતા હો તો આ સાથે સામેલ રાખેલ નિયત પત્રકમાં તમામ વિગતો ભરીને જરૂરી આધારો સાથે રાજય પરીક્ષા બોર્ડના ઇ-મેઇલ એડ્રેસ (sebg.query@gmail.com) પર ઇ-મેઇલ દ્વારા મોકલી આપવાની રહેશે.

 

જો એક કરતા વધુ પ્રશ્નો અંગે રજૂઆત કરવાની હોય તો પ્રશ્નદીઠ અલગ-અલગ પત્રકમાં રજૂઆત કરવાની રહેશે.

રજૂઆત મોકલવાનો સમયગાળો : તા.૨૮/૦૪/૨૦૨૫ થી તા.૦૫/૦૫/૨૦૨૫

જે પ્રશ્નના ઉત્તર અંગે રજૂઆત કરવી હોય તે માટે ફક્ત સરકારી પ્રકાશનો/સાહિત્યનો આધાર તરીકે ઉપયોગ કરી શકાશે. આવા આધારો રજૂઆત સાથે બિડવા ફરજિયાત છે. કોઇ ખાનગી પ્રકાશનો દ્વારા પ્રકાશિત થયેલ પુસ્તકો/સાહિત્ય આધાર તરીકે માન્ય રહેશે નહી.

આધાર વગરની રજૂઆત તેમજ સમયમર્યાદા બહાર મળેલ રજૂઆતો ધ્યાને લેવામાં આવશે નહીં. જેની નોંધ લેશો.