પ્રાથમિક શાળાના મુખ્ય શિક્ષકોનો બદલી કેમ્પ 15 જૂન પહેલા પૂર્ણ કરી દેવા આદેશ

પ્રાથમિક શાળાના મુખ્ય શિક્ષકોનો બદલી કેમ્પ 15 જૂન પહેલા પૂર્ણ કરી દેવા આદેશ

શિક્ષણ વિભાગ દ્વારા પ્રાથમિક શિક્ષણ નિયામકને બદલી કેમ્પની મંજૂરી

| રાજ્યની પ્રાથમિક શાળાઓના મુખ્ય શિક્ષકોની બદલીમાં સિનિયોરિટીની ગણતરીની વિસંગતામાં ફેરફાર કરવાનો નિર્ણય કરવામાં વિલંબ થતાં તાજેતરમાં પૂર્ણ થયેલા જિલ્લાફેર બદલી કેમ્પમાં ઘણા આચાર્યોએ અરજીઓ કરી નહોતી. જેના પગલે રાજ્યના શિક્ષણ વિભાગ દ્વારા પ્રાથમિક શિક્ષણ નિયામકની કચેરીને બીજી વખત કેમ્પ યોજના માટેની મંજૂરી આપતો પરિપત્ર પ્રસિદ્ધ કરાયો હોવાનું જાણવા મળે છે. જેમાં શિક્ષણ વિભાગે 15 જૂન પહેલા કેમ્પની કાર્યવાહી પૂર્ણ કરવા માટેની સૂચના આપી હોવાનું જાણવા મળે છે. જેથી આગામી દિવસોમાં રાજ્યમાં ફરી બદલી અંગેની કાર્યવાહીનો ધમધમાટ જોવા મળશે.

પ્રાથમિક શાળાના મુખ્ય શિક્ષક (આચાર્ય)ની આંતરિક બદલી કેમ્પ બાદ જિલ્લાફેર બદલીના કેમ્પમાં અરજી કરતી

વખતે છેલ્લા શાળામાં હાજર થયાની તારીખ ધ્યાને લેવામાં આવતી હતી. જેથી ત્રણ વર્ષ પૂર્ણ થયા ન હોવાથી ઘણા આચાર્ય જિલ્લાફેર બદલી કેમ્પમાં ભાગ લઈ શકતાં નહોતા. આ વિસંગતામાં સુધારો કરવા માટે રજૂઆતો ઉઠી હતી. જેથી નવા સુધારા મુજબ મુખ્ય શિક્ષકની જિલ્લાફેર બદલી કેમ્પમાં પણ નિમણૂક થયાની તારીખને ધ્યાને લેવાની જોગવાઈ કરવામાં આવી હતી. પરંતુ આ ફેરફાર જિલ્લાફેર બદલી કેમ્પમાં સિનિયોરિટીની યાદી જાહેર થયા બાદ કરવામાં આવ્યો હતો. જેથી અરજી કરવાની મૂદત વખતે સુધારો થયેલો ન હોવાથી ઘણા શિક્ષકો અરજી કરી શક્યા ન હતા.

જેથી કેમ્પ અંગેની તેમની રજૂઆતના પગલે શિક્ષણ વિભાગ દ્વારા ફરી જનરલ કેમ્પ યોજવાની મંજૂરી આપી છે. જેમાં જણાવાયું છે કે, ઘણા મુખ્ય શિક્ષકોને જિલ્લા આંતરિક બદલી કેમ્પનો લાભમળી શક્યો ન હતો. જેથી તાલુકા અને જિલ્લા ફેર બદલી કેમ્પ હાલમાં

જે શિક્ષકોએ બદલી અંગે અરજી કરેલી હોય તે તેમજ નવેસરથી બદલી અંગેની અરજી મેળવી અથવા અગાઉ બદલી અંગે કરેલી અરજીમાં સુધારો કરવા માગતા હોય તો તે રીતે અરજી મેળવી બદલી અંગેના નિયમો મુજબ બદલી અંગેની કાર્યવાહી હાથ ધરવાની રહેશે.

જિલ્લા આંતરિક અને જિલ્લા ફેરબદલી કેમ્પ અગ્રતાધોરણે યોજવામાં અને શક્યતઃ 15 જૂન પહેલા પૂર્ણ થાય તે રીતે કાર્યવાહી કરવા માટે પ્રાથમિક શિક્ષણ નિયામકની કચેરીને સૂચના આપી છે. ત્યારબાદ જિલ્લા અસરપરસ બદલી કેમ્પ કરવામાં આવશે અને ત્યારબાદ પ્રાથમિક શિક્ષણો પૈકી જે મુખ્ય શિક્ષક થવાની ભરતી નિયમો મુજબ આવશ્યક લાયકાત તેમજ અનુભવ ધરાવતા હોય તેઓએ મુખ્ય શિક્ષક તરીકે બઢતી આપવાની કાર્યવાહી બદલી કેમ્પની કાર્યવાહી પૂર્ણ થા બાદ સત્વરે હાથ ધરી પૂર્ણ કરવા માટે પણ જણાવાયું છે.