ધોરણ ૪ આસપાસ પાઠ : ૦૬ રિયાની મુસાફરી

૧. રિયા ટ્રેનમાં ક્યાં જવાની હતી ?
(A) વાપી

(B) દમણ

(C) અમદાવાદ

(D)સુરત
ઉતર : A

૨. રિયા વાપી કેમ જવાની હતી?
ઉત્તર : વેક્શન હોવાથી રિયા તેના મામાને ઘેર વેકેશન ગાળવા જવાની હતી.

૩. જીયા ક્યાં જવાની હતી ?
(A) વાપી 

(B) દીવ

(C) દમણ

(D) સુરત
ઉત્તર : C

૪. રિયા અને જીયા શા માટે ઉત્સાહી હતાં ?
ઉત્તર : રિયા અને જીણ બંને મિત્રો ટ્રેનની મુસાફરીથી એક સાથે વાપી જવાનાં હતાં. આમ, એક સાથે ટ્રેનની મુસાફરી કરવા મળશે તે વિચારે તેઓ ઉત્સાહી હતાં.

૫. રિયાનું કુટુંબ અને જોયાનું કુટુંબ બંને કુટુંબોએ સાથે જવાનું નક્કી કર્યું હતું. ( √ કે ×)
ઉત્તર : √

૬. રિયાના પિતાએ કેટલા દિવસ પહેલાં રેલવેની ટિકિટ બુક કરાવી હતી ?
(A) ૩૦

(B) ૧૫

(C) ૧૦

(D) ૨૦
ઉત્તર : B

૭. રેલવેમાં મુસાફરી કરવા ટિકિટ બુકિંગ અગાઉથી કરવું ફરજિયાત છે. ( √ કે ×)
ઉત્તર : √

૮.લોકો રેલવેની ટિકિટનું ઘણા દિવસ અગાઉથી બુકિંગ કરાવે છે. કારણ કે…
ઉત્તર : લાંબા અંતરની મુસાફરી ટ્રેનથી કરવી સરળ પડે છે. વળી, આવી મુસાફરી મોટા ભાગે પહેલેથી નક્કી હોવાથી ટિકિટ બુકિંગ કરાવવાથી બેસવાની કે સૂવાની જગ્યા સારી મળી રહે છે. આથી, અગાઉથી ટિકિટ બુકિંગ કરાવવામાં આવે છે.

૯. જિયાના કુટુંબે મુસાફરી શા માટે રદ કરી?
ઉત્તર : મુસાફરીના માત્ર બે દિવસ બાકી હતા ત્યારે જીયા ખુબ જ બીમાર થઈ ગઈ હતી. તેથી ડોક્ટરે તેને આરામ કરવા કહ્યું હતું. આથી,જીયાના કુટુંબે મુસાફરી રદ કરી હતી.

૧૦. બીમાર અવસ્થામાં જીયાએ મુસાકરી કરી હોત તો શું મુશ્કેલી પડત?
ઉત્તર : બીમાર અવસ્થામાં જીયાએ મુસાફરી કરી હોત તો તેની તબિયત વધુ બગડત અને તેને પૂરતી તબીબી સારવાર પણ ન મળત, જેને કારણે કદાચ તેને વધુ તખલીફ પડત.

૧૧. જીયાનું ફરવા જવાનું બંધ રહેતાં રિયા ખુશ થઈ ગઈ. (√ કે ×)
ઉત્તર : ×

૧૨. રિયા કયા કારણે નિરાશ થઈ ?
ઉત્તર : રિયા અને જીયાનાં કુટુંબો એક સાથે રેલવેમાં મુસાફરી કરવાનાં હતાં . પરંતુ જીયા બીમાર પડતાં તેના કુટુંબે મુસાફરી ન કરવાનું નક્કી કર્યું. આમ, જીયાનું જવાનું બંધ રહેતાં રિયા નિરાશ થઈ હતી.

૧૩. જીયાએ રિયાને કઈ યુક્તિ સુઝાડી ?
ઉત્તર : જીયાએ રિયાને કહ્યું , “ તું તારી મુસાફરી વિશે બધું એક ડાયરીમાં લખજે અને મોબાઇલમાં ફોટો અને વીડિયો પણ લેજે. તું જ્યારે પાછી આવીશ ત્યારે હું ડાયરી વાંચીશ અને ફોટા અને વીડિયો જોઈને આનંદ માણીશ.

૧૪. રિયાએ પોતાના થેલામાં શું શોધીને મૂક્યું ?
(A) રમતો

(B) પેન 

(C) નોટબુક
(D) (B) અને (C) બંને
ઉત્તર : D

૧૫. તમે કયાં કયાં વાહનોમાં મુસાફરી કરી છે ? ( નમૂનારૂપ ઉત્તર )
ઉત્તર : અમે બસ , રિક્ષા , સ્કૂટર , બાઇક , ટ્રેક્ટર , ટ્રેન , છકડો વગેરે વાહનોમાં મુસાફરી કરી છે.

૧૬. જોડકાં જોડો :

૧૭. રિયા અને તેનું કુટુંબ કઈ તારીખે વાપી જવા નીકળ્યાં ?
ઉત્તર : રિયા અને તેનું કુટુંબ ૨૮ મી મેના રોજ વાપી જવા નીકળ્યાં.

૧૮. રિયાના પપ્પાને ____ બેઠક મળી હતી .
ઉત્તર : વચ્ચેની

૧૯. રિયાએ ક્યા દિવસે મુસાફરી શરૂ કરી ?
(A) એકમ

(B) પાંચમ 

(C) દશમ

(D) પૂનમ
ઉત્તર : D

૨૦. રિયા વાપી જવા કયા રેલવે સ્ટેશન પર પહોંચી ?

(A) ભૂજ

(B) માંડવી

(C) ગાંધીધામ

(D) મુંદ્રા

ઉત્તર : C

૨૧. ટ્રેન સ્ટેશન પર આવી ત્યારે તે એકદમ ખાલી હતી . (√ કે ×)
ઉત્તર : ×

૨૨ . રિયાએ મુસાફરી કરી તે ટ્રેનનું નામ _____ હતું.
ઉત્તર : કચ્છ એક્સપ્રેસ

૨૩. ટ્રેનના ડબ્બા આગળ કેમ ખૂબ ભીડ હતી ?
ઉત્તર : ટ્રેનના ડબ્બાના દરવાજામાંથી કેટલાક મુસાફરો પોતાનો સામાન લઈને ઊતરતા હતા , જયારે કેટલાક મુસાફરો પોતાનો સામાન લઈ ચડતા હતા , જ્યારે કેટલાક ડબ્બામાં ચડવા માટે જગ્યા મળે તેની રાહ જોઈ રહ્યા હતા . માટે ટ્રેનના ડબ્બા આગળ ભીડ હતી.

૨૪. રિયાના પપ્પાએ ટ્રેનના ડબ્બામાં શાંતિથી ચડવાનું કેમ કહ્યું હશે ?
ઉત્તર : ટ્રેન સ્ટેશન પર પંદર – વીસ મિનિટ ઊભી રહેવાની હતી. તેથી ટ્રેનમાં ચડવાની ઉતાવળ કરવાથી પડી જવાય એના કરતાં શાંતિથી ચડવાની તેમણે સલાહ આપી.

૨૫. ટ્રેનમાં ચડવા કે ઊતરવા ધક્કામુક્કી કરવી જોઈએ . (√ કે ×)
ઉત્તર : ×

૨૬. ટ્રેનમાં ચડતાં – ઊતરતાં ધક્કામુક્કી ન કરવી જોઈએ , કારણ કે ..
ઉત્તર : ટ્રેનમાં ચડતાં – ઊતરતાં ધક્કામુક્કી કરવાથી ટ્રેનમાં ચડતા – ઊતરતા અન્ય લોકોને અને આપણને પણ તકલીફ પડે છે. વળી, આમ કરવાથી ઘણી વખત પડી જઈએ તો ઈજા પણ થઈ શકે છે. વળી લાઇનમાં રહીને ચડવા – ઊતરવાથી ઓછા સમયમાં જ ટ્રેનમાં ચડી કે ઊતરી શકાય છે.

૨૭. રિયાને અને તેની મમ્મીને ક્યાં બેઠક મળી હતી ?
(A) ઉપર

(B) બારી પાસે

(C) વચ્ચે

(D) છેડા પર
ઉત્તર : B

૨૮. ટ્રેનના ડબ્બાને અંગ્રેજીમાં કોચ ( Coach ) કહે છે. (√ કે ×)
ઉત્તર : √

૨૯. ટ્રેનના સ્લિપિંગ કોચમાં સૂવા બેસવા માટેની વ્યવસ્થા કેવી રીતની હોય છે ?
ઉત્તર : ટ્રેનના સ્લિપિંગ કોચમાં નીચે – વચ્ચે અને ઉપર એમ બંને તરફ ત્રણ – ત્રણ સૂવા માટેની બેઠક હોય છે. તેમજ બાજુમાં ઉપર -નીચે એમ સૂવા માટેની બે – બે બેઠક હોય છે.

૩૦. ટ્રેનના સ્લિપિંગ કોચમાં રહેલી બેઠક પર બેસી પણ શકાય . (√ કે ×)
ઉત્તર : √

૩૧. ટ્રેનમાં આપણે વગર ટિકિટ મુસાફરી કરી શકીએ છીએ . (√ કે ×)
ઉત્તર : ×

૩૨. ટ્રેનમાં મુસાફરી કરતી વખતે શું સાવચેતી રાખશો ? 

ઉત્તર : ટ્રેનમાં મુસાફરી કરતી વખતે નીચેની સાવચેતી રાખીશુંઃ

(૧) યોગ્ય ટિકિટ ખરીદ્યા પછી જ ટ્રેનમાં બેસવું.

(૨) ટ્રેનમાં ચડવા-ઊતરવામાં ધક્કામુક્કી કરવી નહીં.

(૩) ટ્રેનમાંથી બારીની બહાર હાથ કાઢવો નહીં.

(૪) ટ્રેનમાં પોતાનો સામાન સાચવીને રાખવો.

(૫) ટ્રેનમાં સ્વચ્છતા જાળવવી; કેમ કે, તે આપણી રાષ્ટ્રીય સંપત્તિ છે.

૩૩. ટ્રેનમાં ટિકિટ ચેક કરવામાં આવતી નથી . (√ કે ×)
ઉત્તર : ×

૩૪. ટ્રેનમાં ટિકિટ ચેક કરવા કોણ આવે છે ?
ઉત્તર : ટ્રેનમાં ટિકિટ ચેક કરવા ટિકિટચેકર આવે છે .

૩૫. ટિકિટચેકર શું કરે છે ?
ઉત્તર : ટિકિટચેકર પ્રવાસીની ટિકિટ ચકાસે છે. તેમાં તે પ્રવાસની તારીખ, ક્યાંથી ક્યાં સુધીની મુસાફરી છે તે સ્થળ, પ્રવાસીનું નામ અનેબેઠક નંબર ચકાસે છે. પ્રવાસી ટિકિટ મુજબ યોગ્ય જગ્યાએ બેઠા છે કે નહિ તેની પણ ચકાસણી કરે છે. અગાઉથી બુકિંગ કરેલી ટિકિટમાં તે પ્રવાસીનું ઓળખપત્ર પણ ચકાસે છે.